兩個人總比一個人好

兩個人去旅行可享折扣優惠
兩個人食飯可以食叫多個餸
兩個人行街可以互相俾意見
雖然一個人可以自己大晒
但兩個人的好處實在多太多
溝通在我生命中佔重要一環
對! 有時我不說話是會死的
而溝通必須起碼兩個人
雖然已經在公司訓練得口臭絕技
放工一定變開籠雀
所以請原諒我見到親愛的妳們時non-stop talking
我實在害怕長時間自己一個
自己一個我怕有甴曱四腳蛇
自己一個我怕有鬼或者外星人捉我去研究
我怕沒有家人朋友的問候
我怕沒有別人需要我的時候
兩個人可以互相照顧互相支持
一大班人總有好多很多笑聲
笑聲要好很多才動聽


逐個找 逐個推 即使不慣
年月過 人大了 總要揀
沒有空 沒有空 天天也 沒有空
想見面 全部留班

我地可唔可以見得密少少?
可能一兩個月一次
唔好一季一次 =]

一個人比兩個人好

每晚放工好攰
食飽飯之後去跑步
一個人就最好
可以好好聽下歌
咩都唔諗
淨係向前跑
有時一個人去超級市場行下
買下聽日既早餐
揀一兩樣零食獎勵下自己都幾好
或者一個人行街睇戲
買下衫食下野
唔洗聽人意見
自己鐘意就可以

但係呢d都只可以"有時"
如果成日都係咁唔可以
成日都自己一個我會心理唔平衡
想一個人既時候都只想唔理人點諗
我想點就點
所以唔需要成日都係咁
久不久有咁樣既機會就好了
或者當我需要一個人既時候
請放過我
俾我擁有自己一個人既機會

甚麼才是你的QUALITY OF LIFE?

1. 一世做part-time

可以鐘意做就做

唔做就唔做

做夠就去下玩休息下

唔洗擔心冇錢冇工冇生活

2. 好明顯1.係冇可能發生

唯有期望有5天工作

放兩日假都唔夠

仲要返5日半!?

3. 多d私人時間做私人野

例如: 訓覺, 訓覺同訓覺

整下蛋糕, 跑下步

睇下波同屋企人飲下茶食下早餐

4. 一年去一個國家遊歷至少一個月

要離鄉背井長時間我一定唔得

一年去住返一頭半個月都已經足夠

5. 彈性上班時間

訓醒先去返工

但係唔代表我唔返工

幾爽!

最佳網站推介

其實我一日都黑淨係識上facebook

呢幾個月返左工我連forum都好少上

微博我又唔識用

高登又失去左興趣

娛樂新聞又冇心情去八

GG pps又冇得睇

單身男女又未有廣東話版

最佳網站推介:

facebook

最鐘意係wall同人吹水

約下食飯唱k

工時冇得開msn既通訊工具

Rubbishman足球討論區

http://www.soccer.rubbishman.net/forum/index.php

開波前必睇

睇下出埸陣容

賽後睇下精華

Yahoo拍賣

我始終都係嫌麻煩

而家都仲會係yahoo買野

近期買左hk$35包郵人字拖一對

過數後兩日送到

都幾快 =]

香港賽馬會

http://bet.hkjc.com/

對唔住我好爛賭

場場波我都會上去睇賠率

但係未必場場買

http://www.workingholiday.tw/

暫時仲未放棄呢個念頭

keep住日日上

但係佢就好耐好耐先update一次

初初宦有實用資料

而家就冇料到

http://www.workingholidayinfo.com/

睇呢個仲實際

還！未？

離奇失竊案件編號20110666
我焗蛋糕有合心型模
唔見左
邊個bitch借左冇還

離奇失竊案件編號20040023
中三個年我曾經一個人坐擁3部cal機
但係只有一部係我自己既
到中四我一部都冇
唔知邊條milly拎左唔還
(btw 你部cal機係我到, 仲要唔要?)

離奇失竊案件編號20020362
中二個年ball game
我要出賽
借左件絕版紅色聖記衛衣俾中三C Hazel Ma
賽後我問佢拎返
佢堅決否應我借過俾佢
正仆街

離奇失竊案件編號20070863
借左隻小白龍情海翻波俾juju
佢冇還
我都無意要拎返

其實我唔多借野俾人
我唔係幾鐘意借野俾人
我實唔記得問人拎返

給親愛的

今日終於第一次寫信給隔著個太空的你
實在太令人興奮
興奮得即刻去挑選信封信紙
把我對你滿滿的愛意用文字呈現
加上剛學懂的一句韓文和幾個怕醜圖案
嘻嘻
希望我既愛意不至重得加重英國郵差叔叔既負擔
雖然廿二歲人先第一次寫信俾明星
但係心情就同小學生寫信俾聖誕老人一樣
非常期待回信的一刻
希望我寫既韓文你睇得明啦
사랑하

怪癖

究竟怪癖同習慣有咩分別呢?
係咪只係一個與眾不同既習慣呢?


怪癖一) 剪指甲
我承認我係好鐘意剪指甲
我覺得剪完指甲個人會好安樂 =]

怪癖二)八達通同錢要分開放
當八達通同錢放埋同一個銀包
我會覺得好冇安全感

怪癖三)電腦桌面icon不可多於兩行
多過兩行我會周身唔聚財
掉晒d野我又會再次覺得好安樂

怪癖四)有得揀，轉車都要搭小巴
我好鐘意搭小巴
就算貴d耐d我都會搭佢

最痕的一次

我由細到大都好痕
夏天出熱痱 - 痕!
冬天乾燥 - 痕!
最痕就一定係食完蝦個隻痕
首先由嘴開始痕
跟住就開始發熱同腫
之後個喉嚨開始好痕
痕到想抽條喉嚨出黎R一輪
跟手個胃都會好唔舒服
連個胃都想抽出黎R
最驚係有一次食完一隻蝦刺身
點佢純粹係佢個名好勁未聽過
估計係勁野
食完就lai晒野
痕到我覺得抖唔到氣
從此我唔敢再輕率食蝦
但係食熟蝦通常都冇問題
例如蝦餃雲吞
唔係係咪因為唔新鮮呢
但係meet蝦又唔得架bor
真係奇怪
講完

與死神擦身而過

我與死神最埋身的一次
應該要回想到我小學既時候
我素來不諳水性
小時候同家人到摺左9世既水上樂園玩
還記得那個池
我稱之為大人池(咁細個理Q得佢叫咩名, 有得玩就得)
行下行下
行下又行下
呀!!!
成個人跌左落去
混亂中我見到有對男人腳
唔理三七二十一
狂抆佢條褲
可能佢覺得有水鬼
一望
見到我就黎死咁既樣
個男人(其實佢個樣睇落都係十幾廿歲姐)
就好似做戲咁抱起我 (見圖)
除左嘔水其實都冇咩野
跟住繼續玩 =]


仲有一次
其實冇咩特別
就係吹吹下頭個風筒爆炸
閃左一下火光
我辣到隻手黑左
不過如果佢爆勁d
我就仆街鳥

今日我既心情 好差!

心情反反覆覆
難以入睡
的起心肝做運動
令自己攰到企係到都能入睡
連續跑兩天
的確痴線
然而今天的成績比昨天好=]
加油努力
今天跑步熱播
1. 雙截棍
2. 本草綱目
3. 魔術先生
4. 甜甜的
5. 開不了口
6. 聽媽媽的話
7. 陽光宅男

btw
心情不好自我day off
真係有助恢復心情

2011年度首季減肥方案

減肥?

得節食同做運動

我淨係識呢D野

節食黎講最難抗拒就係甜品

朱古力糖水雪糕等等

點頂呀?

我有一個好方法

食完晚飯盡快刷牙

刷左牙唔食得野

除非你為左食刷多次都ok

我就唔ok啦 =]

訓覺都係一個好方法

訓左咩都唔知

夜媽媽想食野?

諗定聽日食咩早餐

快d上床訓罷啦

做運動黎講

真係要做得好密先得

隔日跑個半鐘

一星期包你有睇到既瘦

我話既! 

食野前習慣睇下個樣食物幾多卡路里

睇到就唔想食

貼士: 福面既卡路里係低出前一丁少少架

辛辣面都比出前一丁低

或者去照一照鏡

包你食唔落

如果排唔到毒可以試下飲杯咖啡

或者食條蕉再飲杯暖水

都good架

唔係講笑

落街跑步先

また来週 =]

六千蚊點洗?

大佬
派錢喎
梗係促進香港經濟啦

1. 自從多年前跌左部電話
我都冇買過
好想換左佢
換部方便上網既電話
朝9晚6都冇得上網真係好辛苦

2. 食餐好

我地好耐冇搞自助餐團

幾時有得食?

3. 想去旅行

去邊都好

想輕鬆一下

生活太緊張啦

4. 我想換銀包
但係未睇得岩
大拿拿六千蚊
有冇好心人同我介紹返??

暫時諗到係咁多
btw
老老豆豆
財爺幾時過數先!

2011年的展望

調整心態

由一名全職學生轉為全識打工仔

學好日本語

完成初班裝備自己

下年要有信心考N5

好好完成最後一科

順利畢業

養成運動好習慣

跑步游水任君選擇

1點上床睡覺
早睡早起身體才好

(有波睇除外)

重拾睡前睇書好習慣

努力完成堆積如山的王貽興

狂派七月再現

希望再次買到前排位

再un爆紅館

對部落格花多一點心思

不要得過且過

五條題目

鑑於大家見面機會愈見矜貴

出多點關於自身的題目
有助秉承超級無敵疲勞轟炸巫術測驗既本意

一.         生活態度の進化

睡眠時間, 生活習慣,飲食習慣等
在這些年一定起了變化

大家已經沒有再日夜在一起

為免互相脫節

了解大家生活細節

二.         夏日消閒好去處

我們極少有夏日活動

就算有都不外乎書展唱K

不如今年夏日我們來一次戶外活動
親吻土地奔向大自然

p.s. 赤柱及燒烤免問

三.         一年之計在於春

兔年剛開始
列出兔年大計

兩個人總比一個人好
面對現實
總不能一輩子做孤獨怪
兩個人又好一大班人也好
說說自己總有需要別人的時候

四.         怪異集

相信離開中學後

大家遇見不少奇人異事

請大談遇見最難頂之人事物

五.         六千蚊點洗?

詳談究竟六千港元可以做什麼

好讓發錢寒的大家用得其所

致親愛的智慧齒

終於找上門了

親愛的智慧齒

過去多個月您們都一直表現良好

為何在這陣子突然性情大變呢

自問沒有虧待您們呀

早晚為您們清潔

飯後一定會奉上香口膠乙顆

在生日前夕

您們可否行行好

乖乖地安靜下來?

放心

今年的生日願望

一定有您們的份兒

另外
有誰可以幫我按下左邊膊頭的按鈕
好讓我變成沒有反應和情感的石頭
減輕我身心的痛苦 =[

窮得多麼精彩

我們

曾經窮得一個杯面十九幾個人分

男的吃面

女的喝湯

一隻雞翼分三份

分得翼尖的人有福了 =]

但我們每天放學都會到seven仔豪吃燒賣

那間已經沒有了的seven仔 (還記得嗎?)

家政課後

窮得要R清潔王的來吃

連回家車費也沒有

要周圍問同學乞討旅費

但我們天天過得快樂
每日悠然自得在校園內玩玩玩

吃了不飽的午餐
玩個午飯遊戲 --- 捉依因

放學後死守學校周山跑

有時卻趕頭趕命誓要做第一個放學離開校門的人

每天上學為的不是上課

而是回校周圍玩和維持一個不太差的出席記錄

以前的快樂回憶實在太多太多

從前的我們沒有什麼

只有快樂和親切的笑聲

真的想回到過去嗎?